घिरिङ गाउँपालिकाले आगामी आर्थिक वर्ष ८२/८३ का लागि ४५ करोडको अनुमानित बजेट प्रस्तुत गरेको छ । मंगलबार भएको १८ औं गाउँ सभामा पालिका उपाध्यक्ष राधादेवी अधिकारीले सो बजेट प्रस्तुत गरेकी थिईन्।
जसमा आन्तरिक श्रोत अनुदान ४ करोड १९ लाख, , प्रदेश सरकार राजश्व बाँडफाँड ७८ लाख ७६ हजार, संघीय सशर्त अनुदान १७ करोड ३५ लाख, संघीय समपुरक अनुदान २ करोड ४१ लाख, संघीय विशेष अनुदान ७५ लाख, संघीय वित्तिय समानीकरण अनुदान ८ करोड ६० लाख, संघीय राजश्व बाँडफाँड ७ करोड ५६ लाख, प्रदेश सरकार वित्तिय समानीकरण १ करोड ४ लाख ७० हजार प्रदेश समपुरक अनुदान ६० लाख, प्रदेश विशेष अनुदान ४० लाख र प्रदेश सशर्त अनुदान २० लाख अनुमान गरिएको छ ।
यसअघि घिरिङ गाउँपालिकाको आगामी आर्थिक वर्षको नीति तथा कार्यक्रम प्रस्तुत गर्दै गाउँपालिकाका अध्यक्ष होमबहादुर थापाले पुर्वाधार, कृषि र पर्यटनसँगै शिक्षालाई गाउँपालिकाले प्रमुख प्राथमिकतामा राखेको बताए । पहिलो प्राथमकिता पुर्वाधार निर्माणलाई राखेपनि पर्यटन, शिक्षा, स्वास्थ्य र कृषिलाई पनि प्राथमिकतामा राखिएको अध्यक्ष थापाले बताए ।
त्यसैगरि कृषिको आधुनिकीकरण, उन्नत विउहरु पनि अनुदानमा दिने, सहकारीसँग समन्वय गरेर कृषकलाई मल उपलव्ध गराउने, साना सिंचाईको कार्यक्रमलाई पनि प्राथमिकता दिएको उनले बताए । त्यसकोलागि सम्भावना भएका ठाउँमा डिप बोरिङ मार्फत सिंचाई सुविधा पु¥यार्ईने भएको छ । पर्यटन तर्फ गाउँपालिकाका प्रमुख पर्यटकीय स्थलको पहिचान गर्ने काम भईसकेको उनले बताए ।
धार्मिक स्थलको व्यवस्थापन गरिने, धार्मीक पहिचान भएका ठाउँमा सरसफाइ गर्ने,पर्यटकलाई आकर्षित गर्न ऐतिहाँसिक मठमन्दिरको संरक्षण गर्ने, त्यसको प्रचार प्रसार गरिने, पुर्वाधार थप्ने र व्यवस्थित गर्दै लैजाने गाउँपालिकाको नीति रहेको छ ।