चैत्र २५ गते दिउँसो १२ बजेको समयमा झापाको अर्जुनधारा नगरपालिका वडा न.१ हलुवागढ समुदायिक वन भित्रको आप खोल्सी भन्ने स्थानमा एक जना महिलाको सडेको अबस्थामा शव भेटिएको छ ।

स्थानीयले घाँस काट्ने क्रममा शव देखे पछि प्रहरीलाइ खबर गरेका थिए। त्यस लगत्तै घटना स्थलमा प्रहरी पुगेर प्रारम्भिक अनुसन्धान तथा सोधपुछ गर्दा, लुगाको आधारमा मृतकको कान्छि छोरी देविका खड्का खनालले २:४५ बजे घटना स्थल पुगेर शवको  पहिचान गरेको र मृतक इलाम जिल्ला रोङ गाउपालिमा वडा नं,२ बस्ने ६० वर्षिय सितादेवि खरेल रहेको पुष्टि भएको हो ।

उनि गत माघ २८ गते बाट बेपत्ता भएको भनि अस्थाई प्रहरी चौकी बरखोल्याङमा  चैत्र ०४ गते हुलिया निबेदन परेको थियो। शव पुर्ण रुपमा सडि सकेको अवस्था छ भने, प्रहरीले थप अनुसन्धान गरिरहेको छ।