चितवनकी पत्रकार संगिता बानियाँ (सिलवाल)को निधन भएको छ ।ब्रेन क्यान्सरबाट पीडित संगीताको उपचारको क्रममा आज बिहान २ः४५ बजे चितवन मेडिकल कलेज क्यान्सर अस्पतालमा निधन भएको हो ।नेपाल पत्रकार महासंघ चितवन शाखाकी सदस्य पत्रकार बानियाँको देवघाटमा अन्तेष्टि गरिएको छ ।शिवशक्ति रेडियोमा कार्यरत उनी पश्चिम चितवन पत्रकार मंचकी उपाध्यक्ष समेत हुन् ।दुई वर्षअघिदेखि क्यान्सर रोग पीडित बानियांँलाई शुरुवातमा स्तन क्यान्सर देखिएको थियो ।स्तन क्यान्सर पूर्णरुपमा निको भएपनि पुनः ब्रेनमा क्यान्सर देखिएको थियो ।३० वर्षको उमेरमा निधन भएकी उनको श्रीमान विश्वास र एक ९ वर्षीय छोरी आरोही सिलवाल छन् ।