प्रगति टोल विकास संस्था भरतपुर १४ को आयोजनामा ऐतिहासिक खेलकुद प्रतियोगिता हुने भएको छ ।हिन्दु नेपाली महिलाहरुको महानपर्व हरितालिका तिजको अवसर पारेर आगामी भदौं २१ गते शुक्रबार सो खेलकुद हुने भएको हो ।

संस्थाका अध्यक्ष शंकर परियारका अनुसार छेलो, घैंटो फटाई, बाईक स्लो र डोरी तान्ने प्रतियोगीता हुनेछन् ।तिजकै दिन पारेर कार्यक्रम गरिएकाले घरमा छुटेका बुहारी र माइत आएका छोरीहरु पनि यसमा सहभागी हुने अपेक्षा गरिएको छ ।साथै यी खेलकुदमा प्रथम हुनेलाई २५ केजीको खसि पुरस्कार प्रदान गरिने अध्यक्ष परियारले बताए ।

यस्तै द्धितिय हुनेलाई एक जोडी हासँ र ४ हजार नगद प्रदान गरिने छ ।तेस्रो हुनेलाई एक जोडी हाँस दिइने प्रगति टोलले जनाएको छ ।साथै यो कार्यक्रममा उपस्थित भईदिन सबैलाई अपिल समेत गरिएको छ ।समुह दर्ता शुल्क १ हजार राखिएको छ ।आगामी २१ गते बिहान ११ बजेदेखि शिबनगर पुलचोकमा भव्यताका साथ प्रतियोगिता उद्धाटन हुने छ ।