देवघाट
तनहुँको देवघाट गाउँपालिका वडा नम्बर-५ स्थित परमानन्द संस्कृत गुरुकुलका श्रीधर पाण्डेय वि.स. २०८१ सालको कक्षा १२ को परीक्षामा नेपालकै प्रथम हुन सफल भएका छन् । पाण्डेय संस्कृततर्फ देशभरका गुरुकुलहरूबाट ३.७६ GPA ल्याइ सहित सर्वोत्कृष्ट हुन सफल भएको हो ।
Advertisement
साथै गुरुकुलमा अध्ययनरत १७ जना छात्रहरू A+ र A ग्रेडमा उत्तीर्ण भएका छन् । लामाे समयदेखि संस्कृत विषय पढाउदै आइरहेको परमानन्द संस्कृत गुरूकुल लगातार ४ वर्षदेखि संस्कृततर्फ नेपाल प्रथम हुन सफल भएकाे छ ।
उक्त गुरुकुलमा अध्ययनरत सम्पूर्ण छात्रहरूलाई गुरुकुलले पूर्ण रूपमा नि:शुल्क शिक्षा दिइदै आइरहेको गुरुकुलका प्राचार्य विमलानन्द सरस्वतीजी ले बताउनु भयो । साथै उत्तीर्ण हुने सम्पूर्ण विद्यार्थीहरूलाई हार्दिक बधाइ एवम् शुभकामना व्यक्त गर्नुभएको छ ।