भरतपुर । राष्ट्रिय आधारभूत बिधालय राप्ती–७ सिरकोटमा सर–सफाई तथा फोहोर ब्यबस्थापन सम्बन्धि जनचेतनामूलक कार्यक्रम सम्पन्न भएको छ । ईभरग्रिन ईको क्लबले सो बिधालयका शिक्षक एवं विद्यार्थीहरुलाई सचेतना दिएको हो । कार्यक्रममा बिधालय ब्यबस्थापन समितिका अध्यक्ष सुमित थापा प्रमुख अतिथि र बिशिष्ट अतिथिमा बिधालयका प्रधानाध्यापक दुर्गा प्रसाद कंडेल रहेका थिए ।

उक्त कार्यक्रमको उद्घोषण, क्लबका सह–सचिब अर्जुन खनाल रहेका थिए भने क्लबका सचिब श्री गोबिन्द पाठकले “क्लबको परिचय र स्वागत मन्तब्य“ का साथ कार्यक्रमको शुरुवात भएको थियो । फोहोर व्यवस्थापनसँगै सरसफाईलाई कसरी व्यवस्थापन गर्न सकिन्छ भन्ने विषयमा प्रशिक्षण दिईएको क्लबका सह–सचिब अर्जुन खनालले जानकारी दिए ।

प्रथम प्रस्तुति “महिनावारी सरसफाई“ शिर्षकमा क्लबकी उपाध्यक्ष डिनिषा घिमिरे र सदस्य मन्जु थापा, दोश्रो प्रस्तुति क्लबका अध्यक्ष बिमल सुबेदीले “सफा पिउने पानीको महत्व“ शिर्षकमा प्रशिक्षण दिएका हुन् । अन्तिम प्रस्तुति “जंक फुड“ शिर्षकमा क्लबका सदस्य समर्पण ढकालको थियो । यस कार्यक्रममा साथ दिने राष्ट्रिय आधारभूत बिधालय सिरकोटका सम्पूर्ण शिक्षक, विद्यार्थीहरू र क्लबका सम्पुर्ण सदस्यहरूलाई अध्यक्ष बिमल सुबेदीले धन्यबाद दिएका छन् । साथै, आउदा दिनहरुमा पनि वातावरण तथा प्रकृती संरक्षणका यस्तै कार्यक्रमहरुलाई निरन्तरता दिने उनले प्रतिबद्धता जनाएका छन् ।