काठमाडौं । काठमाडौं महानगरपालिकाले मैतीदेवीमा रहेको प्रहरी बिटमा डोजर चलाएको छ । सडक मिचेर बिट बनाइएको भन्दै महानगरले त्यहाँ डोजर चलाएको हो ।

महानगरका प्रहरी प्रमुख राजु पाण्डेले सडक मिचेर बनाएका टहरा हटाउने क्रममा प्रहरी बिट पनि हटाइएको बताए ।

उनका अनुसार मापदण्डविपरीत बनेका टहरा हटाउने क्रम जारी छ । उनले प्रहरीकै सहकार्यमा बिट हटाइएको जनाएका छन् ।तर त्यहाँ रहेको प्रहरी बिट कहाँ सार्ने भन्ने टुंगो लागेको छैन । बिटमा रहेका प्रहरीका सामान हटाएर डोजर चलाइएको थियो ।