भरतपुर । भरतपुर महानगर–६ स्थित गीतानगरको एक पसलमा आगलागी भएको छ । भरतपुर–१३ गंगानगरकी कमला शर्माको एन्जी बुटिक एण्ड कलेक्सनमा आज बिहान आगलागी भएको हो ।

विहान करिब ६ः१५ बजेको समयमा विद्युत सर्ट भई आगलागी भएको प्रहरीले जनाएको छ । इलाका प्रहरी कार्यालय गीतानगरबाट खटिएको टोली र स्थानीयले दमकलको सहयोगमा साढे ६ बजेतिर आगो नियन्त्रण गरेका छन् । चितवन प्रहरीका प्रवक्ता विजयराज पण्डितले आगलागीबाट भएको क्षतिको विवरण संकलन कार्य जारी रहेको बताए ।