लायन्स क्लब अफ चितवन डाईनामिक युथले लायन्सका जन्मदाता मेल्भिन्स जोन्स तथा सरस्वती पुजाको अवसर पारेर आज गैडाकोटमा स्कुले विद्यार्थीहरुका लागि स्टेशनरी वितरण गरेको छ ।
क्लवले सरस्वती आधारभुत विद्यालयमा अध्ययनरत ९२ जना विद्यार्थीहरुका लागि स्टेशनरी वितरण गरेको हो । कार्यक्रममा लायन्स क्लब ईन्टरनेशनल डिष्ट्रिक ३२५ आरका क्लष्टर नं ३ का क्लष्टर चिफ विनोद पन्त, जोन चियर पर्सन दिपक पराजुली, क्लबका पदाधिकारी एवं सदस्यहरुको उपस्थिति रहेको थियो।

कार्यक्रममा विद्यालय व्यवस्थापन समितिका अध्यक्ष केशवराज शर्मा, व्यवस्थापन समितिका पूर्व अध्यक्ष भुमा पुन, विद्यालयका प्रार्चाय गारीश्वर पौडेल लगायतले आफ्नो विद्यालयलाई छनोट गरी सहयोग गरेकोमा लायन्स क्लबलाई धन्यवाद दिदै विद्यालयको स्तरोन्नतीमा लायन्सबाट सहयोगकोे अपेक्षा गरेको बताए । कार्यक्रम क्लबका अध्यक्ष सिजन श्रेष्ठको अध्यक्षतामा भएको थियो । लायन्स क्लब अफ चितवन डाईनामिक युथ बिभिन्न सामाजिक गतिबिधिमा क्रियाशिल लायन्स क्लब हो ।