काठमाडौँ । सुदूरपश्चिम प्रदेशले प्रधानमन्त्री कप महिला टी–२० क्रिकेटको उपाधि जितेको छ । प्रदेश १ लाई ६ विकेटले पराजित गरेको हो । इटहरीस्थित जनता पार्क क्रिकेट मैदानमा भएको खेलमा सुदूरपश्चिमले उपाधि जितेको हो ।

५ लाख नगद समेत प्राप्त गरेको छ । उपविजेता प्रदेश १ ले ३ लाख नगद प्राप्त गरेको छ । प्रदेश १ ले १ सय २ रनको लक्ष्य दिएपछि जवाफी व्याटिङमा उत्रिएको सुदूरपश्चिमले १ बल बाँकी हुँदा ४ विकेट गुमाएर पुरा गरेर भेट्टाएको थियो ।

सुदूरपश्चिमको जितमा कविता जोशीले १९ रनको अविजित इनिङ खेल्दा सम्झना खड्का २७ रनमा अविजित रहे । डली भट्टले २२ रन बनाउँदा कविता कुँवरले १२ रनको स्कोर तयार गरेका थिए ।