मोरङ । यती एयरलाइन्सका सहचालक अञ्जु खतिवडाको ज्यान गएको छ । पोखरामा भएको यती एयर दुर्घटनामा उनको पनि ज्यान गएको हो । ४५ वर्षिय अञ्जु विराटनगर–५ निवासी हुन् । २०५५ सालमा काठमाडौंमा नेपाली सेनामा हेलिकप्टर चालकका रूपमा कार्यरत दीपक पोखरेलसँग अञ्जुको मागी विवाह भएको थियो ।

दीपकको २०६३ साल असारमा जुम्ला उडान भर्ने क्रममा दुर्घटनामा ज्यान गएको थियो । सो घटनापछि उनी श्रीमानको सपना पुरा गर्ने लक्ष्य सहित अगाडी बढेकी थिइन् । उनले अमेरिकाको क्यालिफोर्नियामा हवाईसम्बन्धि अध्ययन पुरा गरेर नेपाला काम गर्दै आएकी थिइन् ।

उनी १३ वर्षदेखि हवाई सेवामा सक्रिय थिइन् । उनकी छोरी मेलिशा पोखरेल उच्च शिक्षाका लागि क्यानडामा छिन् । श्रीमान दीपकको हवाई दुर्घटनाका क्रममा मृत्यु भएको केही वर्षपछि अञ्जुले काठमाडौँकै व्यवसायी सुभाष केसीसँग विवाह गरेकी थिइन् । उनीहरूको एक छोरा छन् ।