काठमाडौं । पोखरामा भएको विमान दुर्घटनामा परि लोकगायिका नीरा छन्त्यालको पनि ज्यान गएको छ । उनी पोखरामा हुन लागेको सांस्कृतिक कार्यक्रममा सहभागि हुन जान लागेकी थिइन् ।
दिदी हीरा छन्त्याल शेरचनले नीराको मृत्यु भएको पुष्टी गरिन् । निराले आफ्नो तस्वीर राख्दै माघे संक्रान्तिको शुभाकामना समेत फेसबुकमार्फत दिएकी थिइन् ।

हिजो उनले फेसबुकमा लेखेकी थिइन्, ‘छन्त्याल भवन काठ्माण्डौको माघि सकियो, अब भोलि पोखरमा रमाइलो गर्नुपर्छ ।’ नीराले विहानै काठ्माण्डौ विमानस्थलबाट आमालाई फोन गरेर आँफु पोखरा जान लागेको खबर गरेकी थिइन् ।

उनले आधा घण्टापछि पोखरा पुगर कुरा गर्ने समेत भनेको दिदि हीराले बताएकी छन् । विमान दुर्घटनामा परेको खबरपछि बाग्लुङदेखि बुबा तथा आफन्तीहरु पोखरा जादैछन् । नेपाल छन्त्याल युवा संघले सोमबार पोखरामा पुरुष तथा महिला भलिबल प्रतियोगता गर्ने कार्यक्रम थियो । सो कार्यक्रममा नीराले सांगीतिक प्रस्तुति दिने तयारी थियो ।