काठमाडौं । पोखरामा भएको विमान दुर्घटनामा ६८ जनाको मृत्यु भएको पुष्टी भएको छ । आज विहान यती एयरलाइन्सको विमान दुर्घटनामा परेको थियो । मृत्यु भएका मध्ये ११ जनाको सनाखत भएको छ । निशान्त आचार्य, संगीता शाही, डा. सुशील श्रेष्ठ, डा. सेना दिवाकर, १० महिनाका रियान पौडेल, अदाकत अलिमिया, लक्ष्मी पौडेल, प्रसिद्धी पौडेल, अरुण पौडेल, पूर्णकुमार गुरुङ रहेका छन् । यस्तै कोरियन नागरिक यू क्यानगुलको पनि सनाखत भएको जनाइ गण्डकी अस्पताल प्रशासनले जनाएको छ ।

नेपाल नागरिक उड्डयन प्राधिकरणले ६८ जनाको मृत्यु भएको पुष्टी गरेको छ । विमानमा ७२ जना सवार थिए । जसमा ४ जना चालक दलका सदस्य र ६८ जना यात्रुहरु थिए । जसमा २५ जना महिला, ३७ जना पुरुष, ३ जना बालक र ३ जना शिशु रहेको जनाइएको छ ।

विहान १०ः३२ बजे काठ्माण्डौबाट पोखराका लागि प्रस्थान गरेको थियो । जहमाज ५३ जना नेपाली, ५ जना भारतीय, ४ जना रशियन, २ जना कोरिया , आयरल्याण्ड, अष्ट्रेलिया, अजेन्टिना, , फ्रान्सका एक एक जना सवार थिए ।

प्राधिकरणको विज्ञप्ति हेर्नुस्