काठमाडौं । पोखरामा विमान दुर्घटना भएको छ । पोखरा विमानस्थलबाट नजिकै रहेको सेती खोचमा यति एयरलाइन्सको विमान दुर्घटना भएको हो ।

विमानस्थलमा अहिले आगोको मुस्लो देखिएको छ। उद्धारका लागि सुरक्षाकर्मी र एम्बुलेन्स परिचालन गरिएको छ।

कास्कीका प्रमुख जिल्ला अधिकारी टेकबहादुर केसीले दुर्घटना भएको बताए । सूचना पाए लगत्तै अस्पताल र एम्बुलेन्स हाई अलर्टमा राख्न भनेको उनले बताए ।

काठमाडौंबाट गएको जहाजमा चार जना चालक दलका सदस्यसहित ७२ जना सवार थिए। दुर्घटनाको थप विवरण आउन बाँकी छ ।