चितवन । पुर्व चितवनको रत्ननगरमा भएको सवारी दुर्घटनामा एक जनाको मृत्यु भएको छ । मिनि ट्रकको ठक्करबाट रत्ननगर वडा नम्बर १० बस्ने २२ वर्षीय अमित महत्तोको घटनास्थलमा नै मृत्य भएको जिल्ला प्रहरी कार्यालय चितवनले जनाएको छ ।

मोटरसाईकलमा पछाडी सवार रत्ननगर १० का २७ वर्षीय बिश्वास महत्तो गम्भिर घाइते भएका छन् । महत्तोलाई उपचारको लागि पुरानो मेडिकल कलेज ल्याईएको प्रहरीले बताएको छ ।

आज (शुक्रबार) दिउँसो १२ः२० बजे रत्ननगर वडा नम्बर १२ जमुनापुरबाट बकुलहर जाँदै गरेकोे ना. ४२ प.४४५३ नम्बरको मोटरसाइकललाई विपरीत दिशाबाट आएकोे ना.४ ख.५३०१ नम्बरको मिनि ट्रकले ठक्कर दिएको थियो । दुबै सवारी चालक इलाका प्रहरी कार्यालय रत्ननगर टाँडीको नियन्त्रणमा छन् ।