काठ्माण्डौ । भारतमा भएको सवारी दुर्घटनामा परी थप २ जना नेपालीको ज्यान गएको छ । भारतको लखनउमा सोमबार विहान बस दुर्घटनामा भएको थियो । घाइते भएर उपचार गराईरहेका २ नेपालीको उपचारका क्रममा ज्यान गएको हो ।

यसअघि ३ जना नेपालीको घटनास्थलमै ज्यान गएको थियो । भारतको गुजरातबाट नेपालको सीमावर्ती क्षेत्र पलियातर्फ आउँदै गरेको यात्रुवाहक बस दुर्घटनामा परेको थियो । घटनास्थलमै १ जना भारतीयको ज्यान गएको थियो । बसका चालकले समेत ज्यान गुमाएका थिए । दुर्घटनामा करिब १५ जना घाइते भएका थिए । घाइतेमध्ये कैलालीको टीकापुर घर भएका ३५ वर्षीय हरि साउँद र कञ्चनपुरको कृष्णपुर नगरपालिका घर भएका ३५ वर्षीय दीपक सुमार उपचारत छन् ।