चितवन । पूर्वी चितवनको खैरहनीमा आगलागी हुँदा दुई वटा पसलमा क्षति पुगेको छ । खैरहनी नगरपालिका–८ पर्साको चौबीसकोठी चोकस्थित अनुष्का सुनचाँदी ज्वेलर्स र चाँदनी फेन्सी पसलमा आगलागी भएको हो ।

आज बिहान साढे ३ बजेतिर आगलागी भएको जिल्ला प्रहरी कार्यालय चितवनले जनाएको छ । कार्यालयका डिएसपी विजयराज पण्डितका अनुसार बिहान ४ः१५ बजे नेपाल प्रहरी, दमकल र स्थानीयवासीको सक्रियतामा आगो नियन्त्रणमा लिइएको थियो । आगलागीको सम्पुर्ण विवरण आउन बाँकी छ ।