भरतपुर, प्रधानमन्त्री नियुक्त भएपछि पुष्पकमल दाहाल ‘प्रचण्ड’ पहिलो पटक गृहजिल्ला चितवन आएका छन् । उनी विहान बुद्ध एयरको उडान मार्फत भरतपुर विमानस्थल अवतरण गरेका हुन् ।

प्रधानमन्त्री एवं नेकपा माओवादी केन्द्रका अध्यक्ष प्रचण्डलाई स्वागत गर्न प्रमुख जिल्ला अधिकारी अस्मान तामाङ, डिआईजी किरण बज्राचार्य, भरतपुर महानगरपालिकाकी प्रमुख रेनु दाहाल, चितवन प्रहरी प्रमुख एसपी नवराज अधिकारी लगायत नेता कार्यकर्ताहरुले भव्य स्वागत गरेका थिए ।

मेयर निवासमा खाना खाए लगत्तै प्रचण्ड नारायणी नमुना माध्यमिक विद्यालयको हिरक महोत्सव समापन समारोहमा उपस्थिति भएका छन् ।