काठ्माण्डौ । भारतीय विदेश मन्त्रालयका प्रवक्ता अरिन्दम बाग्चीले नेपालको नयाँ सरकारसँग मिलेर काम गर्ने बताएका छन् । पत्रकार सम्मेलनमा बोल्दै प्रवक्ता बाग्चीले भारत–नेपालको द्विपक्षीय सम्बन्धलाई थप मजबुत बनाउने बताए । पुष्पकमल दाहाल प्रचण्ड नेतृत्वको नयाँ सरकारसँग मिलेर काम गर्ने प्रतिवद्धता जनाए ।

“हाम्रो ऐतिहासिक सम्बन्ध छ, नयाँ सरकार आएको छ”, उनले भने, “हामी नयाँ सरकासँग मिलेर काम गर्न उत्सुक छौँ ।” भारतीय प्रधानमन्त्री नरेन्द्र मोदीले प्रचण्ड प्रधानमन्त्री भएकै दिन बधाई दिएका थिए । प्रचण्डले पनि भारतीय एक सञ्चारमाध्यमा कुराकानी गर्दै छिमेकी राष्ट्र भारत, चीनसँगको सम्बन्ध राम्रो हुने अभिव्यक्ति दिएका थिए ।