काठमान्डौ : चन्डीगढमा अभिनेता अक्षय कुमारको पुत्ला जलाइएको छ। अक्षयकुमार अभिनित फिल्म ‘पृथ्वीराज’ फिल्मको टाइटल विवादले गर्दा विरोधमा उनको पुत्ला जलाइएको हो ।

अखिल भारतीय क्षेत्रीय महासभाका सदस्यले फिल्मको टाइटल परिवर्तन गर्न माग गरेका छन् । यो संगठनले करणी सेनाले भने जस्तै राजाको पुरा नाम ‘सम्राट पृथवीराज चौहान’ टाइटलमा राख्न माग गरेको छ ।

एक महिना पहिले करणी सेनाले फिल्मको टाइटल परिवर्तन गरेर राजाको पुरै नाम राख्न भनेको थियो । करणी सेनाले भनेको थियो ‘फिल्म महान राजपुत राजामा आधारित रहेको छ ।

शीर्षकले यो तथ्यलाई दर्शाउँदै । सिर्फ पृथ्वीराज राख्नु अन्तिम हिन्दु शासकको अपमान हो ।’ करणी सेनाले फिल्म रिलिज अगाडि आफुहरुलाई देखाउन समेत भनेको छ ।

करणी सेनाका युवा विङ्ग के अध्यक्ष तथा फिल्म मेकर सुरजीत सिंह राठौरले भने, ‘फिल्म युनिटले हाम्रो सल्लाह नमाने परिणाम पनि भोग्नुपर्छ । फिल्म ‘पद्यावत’ को दौरानमा सञ्जय लीला भंसालीको जस्तै परिणाम भोग्न यो फिल्मका निर्माता पनि तयार हुनुपर्छ ।’

‘पृथ्वीराज’ यशराज फिल्मको पहिलो ऐतिहासिक फिल्म हो । फिल्मको परिकल्पना ‘चाणक्य’ नामक दुरदर्शन धारावाहिक बनाउने निर्देशक चन्द्र प्रकाश द्धिवेदीले गरेका हुन् । सञ्जय दत्त र सोनु सुद पनि फिल्मको महत्वपूर्ण भूमिकामा रहेका छन् ।

Members of Akhil Bhartiya Kshatriya Mahasabha Yuva Wing protesting against the makers of the Movie Prithviraj and actor Akshay Kumar in Chandigarh @iepunjab @IndianExpress pic.twitter.com/GJSdjJICX5

— kamleshwar singh (@ks_express16) June 17, 2021

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।