भरतपुर । भरतपुर महानगर–१० रिजाल चोकमा रहेको सिप्रदी ट्रेडिङ प्रालिको शाखा कार्यालयमा आगलागी भएको छ । अञ्जन शाक्यको घरको माथिल्लो तलामा रहेको कार्यालय भवनको किचनमा ग्याँस लिक भएर आगलागी भएको थियो ।

टाटा मोटर्सको आधिकारिक बिक्रेता सिप्रदीले कार्यालय सञ्चालन गर्दै आएको थियो । भुई तलामा भने घरधनी शाक्यलेनै पिजोट गाडीको सोरुम रहेको छ । ओजोन मोटर्सका सञ्चालन हुन् । विहान साढे ८ बजेतिर लागेको आगो ९ः१५ मा नियन्त्रणमा आएको चितवन प्रहरीले जनाएको छ । आगलागीबाट किचनमा भएका सामानहरुमा क्षती पुगेको छ । क्षतीको विवरण आउन बाँकी छ ।

भरतपुर महानगरको दमकल, सुरक्षाकर्मीको सहायताले आगो नियन्त्रणमा ल्याइएको थियो । धुवाँको मुस्लो बाहिर आएपछि स्थानीयले आगलागी भएको थाहा पाएका थिए । प्रहरी, स्थानीयको सहयोगमा भुई तलामा भएका केही सामाग्रीहरु बाहिर निकालिएको थियो ।