काठमाडौं । मन्त्रीपरिषदको बैठक सिंहदरबारमा सुरु भएको छ ।प्रधानमन्त्री प्रचण्ड नेतृत्वको मन्त्रिपरिषद् विस्तारपछि पहिलो बैठक बसेको हो ।

बुधबार दिउँसो प्रधानमन्त्री तथा मन्त्रिपरिषद्को कार्यालय सिंहदरबारमा मन्त्रिपरिषद्को बैठक सुरु भएको प्रधानमन्त्रीको निजि सचिवालयले जनाएको छ ।

मंगलबार मात्रै प्रधानमन्त्री प्रचण्डले मन्त्रिपरिषद् विस्तार गरेर २३ सदस्यीय बनाएका थिए । प्रचण्डले १२ मन्त्री र ३ राज्यमन्त्री थपेका हुन् । सबैको कार्यविभाजन समेत भइसकेको छ ।