काठमाडौं । बुबालाई हत्या गरेको अभियोगमा सिराहामा १ जना पक्राउ परेका छन् । पक्राउ पर्नेमा सिराहा कल्याणपुर नगरपालिका–११, मलहाटोल बस्ने २२ वर्षीय राकेश सहनी रहेका छन् । उनले बुवा ४३ वर्षीय रामबाबु सहनीलाई कुटपिट गरी हत्या गरेको आरोप लागेको छ ।

आपसी झै–झगडामा कुटपिट गर्दा रामबाबु गम्भीर घाइते भएका थिए । गम्भीर घाइते भएका उनको उपचार स्थानीय क्लिनिकमा भएको थियो । थप उपचारका लागि सिराहा लैजाने क्रममा बाटोमै मृत्यु भएको हो ।