काठमाण्डाैं । विश्वका करोडौं मानिसले आफ्नो दिनको सुरुवात चियाबाट गर्छन् । धेरैजसो मानिसलाई दूधको चिया मन पर्छ । कतिपयले ग्रीन टी पिउने गर्छन् । चिया शताब्दीयौंदेखि परम्परागत औषधीको रुपमा पनि प्रयोग हुँदै आएको छ । चिया पिउनुका धेरै फाइदा छन् । तर कालो, सेतो चिया वा ग्रीन टी पनि एक सीमामा पिउनुपर्छ ।

धेरै चिया पिउनाले बेचैनी र थकान निम्त्याउन सक्छ । चियामा क्याफिनको मात्रा बढी हुन्छ । यो यस्तो पदार्थ हो जसले शरीरमा बेचैनी र थकान बढाउँछ । यसका साथै तपाईंले आफ्नो दिनचर्यामा जति धेरै कप चिया थप्नुहुन्छ, त्यति नै निद्रामा असर पर्छ ।

धेरै चिया पिउनाले मानिसलाई पेटको समस्या पनि हुन सक्छ । यसले एसिडिटी र ग्यासको समस्या निम्त्याउन सक्छ । गर्भवती महिलाका लागि चियाको चुस्की हानिकारक हुन सक्छ । एजेन्सी