चितवन । भरतपुर महानगरपालिकाको प्रमुख प्रशासकिय अधिकृत नरेन्द्र कुमार रानाले आफ्नो कार्यभार सम्हालेका छन् ।हालै सरुवा भई भरतपुर आएका उनले जिम्मेवारी लिएको महानगर उपप्रमुख चित्रसेन अधिकारीले जानकारी दिए ।

उनी लुम्बिनी प्रदेश सरकारको प्रवक्ता थिए । रानालाई भरतपुर महानगरले स्वागत गरेको छ । मेयर रेनु दाहालले औपचारिक रुपमा कार्यकारी प्रमुख रानालाई स्वागत गरिन् । स्वागत तथा परिचयात्मक कार्यक्रम गरि उनलाई स्वागत गरिएको हो ।

निवर्तमान प्रमुख प्रशासकिय अधिकृत नारायण प्रसाद सापकोटा सरुवा भएर प्रधानमन्त्री तथा मन्त्रीपरिषद् कार्यालय गएका छन् ।उनको अधिकांश समय विदा बसेरै गएको थियो । झण्डै एक महिना अवधि मात्रै सापकोटाले काम गरेको महानगरका कर्मचारीहरुले बताए ।