काठमाडौं । चलचित्र छक्का पञ्जा, रणवीर लगायतका चलचिमा अभिनय गरेर चर्चा कमाएकी नायिका सुपुष्पा भट्टले प्रेमी रौनक विक्रम कँडेलसँग विबाह गरेकी छिन् । सुपुष्पाले शुक्रबार राजधानीको गोकर्ण फरेष्ट रिसोर्टमा निर्माता तथा प्रेमी रौनक विक्रम कँडेलसँग विवाह गरेकी हुन् ।

कोरोनाका कारण वैबाहिक समारोमा दुवै तर्फको सीमित व्यक्ति मात्र सहभागी रहेको थियो । चलचित्र ‘रणवीर’ डेब्यू नायिका सुपुष्पा भट्ट दोश्रो चलचित्र ‘छ माया छपक्कै’मा विशेष भूमिका गरेरपछि झनै चर्चामा छिन् । तर, सुपुष्पालाई भने आफू दर्शकमाझ नोटिस भएको भन्ने लाग्दैन । उनी भन्छिन्–‘मलाई अझै पनि दर्शकले नोटिस गर्नुभएको छ भन्ने नै लाग्दैन । म आफूले सक्ने बेष्ट दिने प्रयासमा छु ।’

पछिल्ला केही वर्षदेखि प्रेममा रहेको यो जोडीले कोरोना महामारीका बीच बैशाख १५ गते इन्गेजमेन्ट गरेका थिए ।सुपुष्पाका पतिले ‘कबड्डी र मिस्टर झोले’ लगायतका फिल्मको निर्माण गरेका छन् । सुन्दरी नायिका सुपुष्पाले अभिनय गरेको ‘चपली हाइट ३’ प्रर्दशनमा आउन बाँकी रहेको छ ।

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।