फाइल फोटो

काठमाडौँ । नेपालमा  पछिल्लो २४ घण्टामा  पाँच हजार ४५५ जना संक्रमित निको भएका छन् । नेपालमा कोरोना संक्रमित निको हुने दर ९१ दशमलब ३ प्रतिशत रहेको छ । नेपालमा हालसम्म पाँच लाख ७६ हजार ४१३ जना संक्रमित निको भइसकेको स्वास्थ्य मन्त्रालयले जनाएको छ ।

यसैगरी  पछिल्लो २४ घण्टामा थप दुई हजार ४७६ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा १४ हजार ३५१ जनाको पिसिआर र एन्टिजेन परीक्षण गर्दा उक्त सङ्ख्यामा कोरोना संक्रमण पुष्टि भएको हो ।

मन्त्रालयका अनुसार नौ हजार ५८६ जनाको पिसिआर परीक्षण गर्दा एक हजार ७२१ र चार हजार ७६५ जनाको एन्टिजेन परीक्षण गर्दा ७५५ जनामा कोरोना संक्रमण पुष्टि भएको हो । त्यस्तै पछिल्लो २४ घण्टामा देशभर २७ जना संक्रमितको मृत्यु भएको छ । हालसम्म आठ हजार ९४५ जना संक्रमितको मृत्यु भइसकेको छ ।