झापाको दुधेमा मोटरसाइकल अनियन्त्रित भई दुर्घटना हुँदा आइतबार राति ८ बजे एक जना युवकको मृत्यु भएको छ।

इलाका प्रहरी कार्यालय झिलझिलेका प्रहरी निरीक्षक ध्रुवनारायण श्रेष्ठका अनुसार शिवसताक्षी नगरपालिका वडा नम्बर ६ का ४० वर्षीय जीवनकुमार दर्नालको मृत्यु भएको हो।

शिवगञ्जबाट दुधेतर्फ आउँदै गरेको मे१२प २३८४ नम्बरको मोटरसाइकल बजार सजावटका लागि राखिएका फूलसहितको गमलामा ठोक्किएको थियो।

दर्नालको उपचारका लागि विर्तामोड लैजाँदै गर्दा बाटोमा मृत्यु भएको प्रहरीले पुष्टि गरेको छ।

दुर्घटनाका प्रत्यक्षदर्शी नवीन बाँस्कोटाका अनुसार तीन वटा गमला फुटेका छन्।