भरतपुर । पूर्वप्रधानमन्त्री केपी शर्मा ओलीको फेसबुकमा अश्लिल तस्विरहरु ट्याग भएको पाइएको छ । फेसबुकको भेरिफाइड एकाउण्टमै केही अश्लिल तस्विरहरु ट्याग भएको देख्न सकिन्छ । ती तस्विरहरु टाइमलाइनमा देखिदैनन्, तर फोटोहरु हेर्न क्लिक गर्दा ट्याग लाइनमा ती अश्लिल फोटाहरु देखिन्छन् ।

रमेश गुप्ता नामको सो फेसबुक एकाउण्टको डिटेल्समा मोबाइल नम्बर राखिएका छन् । त्यो फेसबुकमा पोष्ट भएका अधिकाँस तस्वीर तथा भिडियोहरु अश्लिल छन् । एलपी बेबु दैलेखी कान्छो नामको फेसबुकमा किंग इज किंग भन्दै फुटबलरहरुले अवार्ड जितेको प्रसंग देखिने तस्वीरहरु राखिएको छ । प्रधानमन्त्री ओली नेकपा एमालेका अध्यक्ष समेत हुन् । उनी हरेक दिन अनलाइन तथा गतिविधिहरुमा अपडेट हुने गर्छन् ।

तर, आफ्नै फेसबुकमा अश्लिल तस्वीरहरु ट्याग हुदा समेत उनी जानकारविहिन जस्तो देखिएको छ । उनको सचिवालयले फेसबुकलाई व्यवस्थापन गर्न नसकेको देखिन्छ । २ पटक प्रधानमन्त्री भएका ओली  सामाजिक सञ्जालमा अभ्यस्त मानिन्छन् । । ओलीले आइतबार फेसबुकमा लेख्दै पोखरामा भएको विमान दुर्घटनामा ज्यान गुमाएकाहरुलाई श्रदाञ्जली तथा शोकाकुल परिवारलाई समवेदना व्यक्त गरेका छन् । विहानै माघे संक्रान्तिको पनि शुभकामना व्यक्त गरेका थिए । उनको फेसबुक आइडीमा ४ लाख १५ हजार फलोअर्स छन् ।