काठमाडौं । सरकारले कोभिड संक्रमण नियन्त्रणका लागि वैशाख १६ गतेदेखि निषेधाज्ञा जारी गरेको छ । अहिले नेपालका ७४ जिल्लामा निषेधाज्ञा छ । यो अवधिमा कोभिड संक्रमणको चेन ब्रेक गर्ने सरकारको लक्ष्य रहेको छ ।

पछिल्लो ३ दिनयता नेपालमा नयाँ कोभिड संक्रमितको संख्या घटेको स्वास्थ्य तथा जनसंख्या मन्त्रालयको तथ्यांकले देखाएको छ । भारतका विभिन्न राज्यमा संक्रमितको संख्या कम हुँदै जानु र नेपालमा नयाँ संक्रमित कम देखिनुले अब संक्रमण घटेर जाने आशा जगाएको छ ।