काठमाडौँ । राष्ट्रिय परीक्षा बोर्ड, परीक्षा नियन्त्रण कार्यालय कक्षा १० ले कक्षा ९ को रजिष्ट्रेसन फाराम खुला गरेको छ । कार्यालयले विद्यालयलाई विद्यार्थीको फाराम भर्दा पछिसम्म फरक नपर्ने गरी फाराम भर्न/भराउन अनुरोध गरेको छ ।

पनिकाले भनेको छ ‘विद्यालयहरूले विद्यालयमा अध्ययनरत विद्यार्थीहरूको नाम, थर, जन्म मिति, आमा, बाबुको नाम टिकसँग भरेरनभरेको रुजु गर्ने, गराउने र पछिसम्म फरक नपर्ने गरी प्रमाणित गर्ने ।’धेरै विद्यार्थीहरू शैक्षिक प्रमाणपत्रमा नाम, थर, जन्म मिति, आमा, बाबुको नाम गलत भएको भन्दै सच्याउन आउने गरेकाले अगाडि नै सचेत गराएको बोर्डले जनाएको छ ।शैक्षिक सत्र २०७९ मा कक्षा ९ मा (साधारण, परम्परागत संस्कृत/वेदविद्याश्रम/गुरुकुलरमदर्सा/गोन्पा) र प्राविधिक धारतर्फ नियमित रूपमा अध्ययनरत विद्यार्थीहरूले २०८० सालको नियमित माध्यमिक शिक्षा परीक्षा (एसइई) मा सहभागी हुनको लागि फारम भर्नुपर्नेछ ।

फाराम आजदेखि चैत मसान्तसम्म नियमित शुल्क र २०८० सालको वैशाख १५ गतेसम्म दोब्बर शुल्कमा भर्न भराउन सक्नेछन् ।पनिकाको अनुसार अक्षराङ्कन पद्धतिबाट कक्षा ८ पूरा गरेको वा सो सरहको वार्षिक परीक्षामा उत्तीर्ण भएकाले फाराम भर्न सक्नेछन् । २०७२ देखि २०७७ सालसम्मका विद्यार्थीले अनिवार्य विषयमा न्यूनतम डीप्लस ग्रेड र २०७८ सालमा न्यूनतम डी ग्रेड प्राप्त गरेको ग्रेटसिट र जन्म दर्ता प्रमाणपत्र बुझाउनुपर्ने छ ।